14 maio 2017

Campións escolares alevíns

Este sábado o noso equipo Alevín integrado por Nico, Noa, Vera, Joel e Jaime lograron repetir o triunfo do ano pasado para noso club na categoría alevín no Campionato provincial celebrado en Noia.
Por detrás do Xadrez das Mariñas nesta categoría acabaron o Liceo de Noia, a Universidade de Santiago e o Club Xadrez Rianxo.
Noraboa aos campións!

(Mais fotos no noso Facebook)

11 maio 2017

Bus para Noia

Confirmado o transporte para participar no Campionato Provincial de Xadrez do próximo sábado, 13 de maio, en Noia.
A ruta quedaría como segue:

- 1 só autobús coa 1ª parada  ás 9.15 horas na Praza de Agustín Díaz (na entrada á zona de aparcadoiro do parque que está en fronte do Polideportivo de Elviña para recoller a ANPA XANELA, ESCOLA TECNICA XADREZ, XADREZ DAS MARIÑAS E A-D. ALEXANDRE BÓVEDA), e 2ª parada no CEIP Canosa-Rus - A Braña s/n Erbecedo. (Coristanco) para recoller a CANOSA-RUS e dirixirse cara a NOIA.

10 maio 2017

CAMPIONATO PROVINCIAL DE XADREZ

CAMPIONATO PROVINCIAL  DE XADREZ
BENXAMÍN, ALEVÍN E INFANTIL
Noia, 13-05-2017

NORMATIVA

O Servizo de Deporte da Coruña, da Secretaría Xeral para o Deporte, en colaboración coa  A.D. “As Rías”, organiza o Campionato Provincial de Xadrez, do Programa XOGADE (Xogos Galegos Depotivos en Idade Escolar), nas categorías Benxamín, Alevín e Infantil, correspondente á tempada 2016/2017.

1. PARTICIPANTES
Participarán nesta competición os equipos que se clasificaron nas fases Intercomarcais de Coruña,  Noia e Santiago, das categorías Benxamín (nados nos anos 2008/2007), Alevín (nados nos anos 2006/2005), e Infantil (nados nos anos 2004/2003).

2. LUGAR E DATA
A competición terá lugar no Pavillón da Sociedade Liceo de Noia,  en xornada completa, por sistema de liga.
Data: Sábado 13 de maio de 2017.
Hora: de 11:00  a 14:00 hs. e de 15:30 a 17:30, coa clausura a continuación.

3. COMPOSICIÓN DOS EQUIPOS
Cada equipo estará integrado por catro xogadoras/es e dúas/dous suplentes e un/unha adestrador/a-delegado/a. Os equipos poderán participar cun máximo de 3 xogadoras/es da categoría inmediata inferior, perdendo estas/es xogadoras/es a categoría que lles corresponde pola súa idade.
Como novidade para este campionato permitirase facer selección de xogadores dentro da mesma categoría e Entidade, que participaran nas fases anteriores

4. INSCRICIÓNS
As inscricións realizaranse utilizando a folla que se adxunta con esta normativa e deberán enviarse á Agrupación Deportiva Escolar “As Rías” por correo electrónico (xadrezbretema@gmail.com ), e copia a deportes.coruna@xunta.gal, antes das 14:00 horas do martes 9 de maio de 2017. Os equipos participantes deberán presentar nos encontros a Folla de inscrición do programa XOGADE que facilita o programa informático na páxina de Internet www.deporteescolargalego.com, no que consta o nº de identificador de deportistas, adestradores/as e delegados/as. Aconséllase vir provistos do DNI.

5. ACREDITACIÓN DOS PARTICIPANTES
O programa permite subir á páxina a foto do deportista, co cal queda correctamente acreditado para calquera competición do programa Xogade. Nesta fase provincial, será o xeito oficial de acreditación, aconsellamos vir provistos do DNI.

6. DESPRAZAMENTOS
No caso de necesitar transporte deberán solicitalo ao Servizo de Deporte da Coruña, ao correo sdbus.co@hotmail.es, antes das 20.00 horas do martes 9 de maio de 2017.
No correo teñen que indicar: Nome e día da competición, nome da entidade que solicita o transporte e zona á que pertence (Coruña, Noia ou Santiago), nº de prazas totais (deportistas+adestradores), hora e lugar de saída, hora prevista de regreso, enderezo de destino e nóme e teléfono móbil do responsable da entidade que vai no autobús.

7. MANUTENCIÓN
 O Xantar para este Campionato, correrá pola conta dos participantes.

8. NORMAS TÉCNICAS
O torneo disputarase por sistema de liga, realizándose no mesmo local de xogo o sorteo para os encontros. Cada encontro constará de 4 partidas. No caso de haber só dous equipos nalgunha categoría, realizarase un encontro a dobre volta.
A orde de forza de cada equipo non poderá variarse no transcurso do torneo.
O ritmo de xogo será de 45 minutos por xogador a finish.
A clasificación final realizarase segundo o número de puntos totais obtidos por cada equipo.
En caso de empate, prevalecerá o resultado do enfrontamento directo.
Se persistise o empate, aplicarase o seguinte criterio: puntuación ponderada (por taboleiro): consistirá en multiplicar o resultado do primeiro taboleiro por catro, o do segundo por tres, o do terceiro por dous e o do cuarto por un, sumándose ao final os catro taboleiros. No suposto de persistir o empate, contará o resultado do primeiro taboleiro. Se tampouco se resolve a igualdade, o equipo que xogase con negras no primeiro taboleiro será o vencedor.
Prohíbese a entrada/permanencia na sala de xogo con teléfonos móbiles ou calquera dispositivo electrónico encendido, agás a organización.
Quedan totalmente prohibidos os comentarios sobre as partidas en xogo, sendo estes penalizables.
Os/as xogadores/as poderán consultar co seu delegado para abandonos e ofertas de táboas. Deberán avisar previamente ao árbitro. O delegado deberá contestar de forma lacónica e sen proporcionar información algunha sobre a partida.
Non se permitirán análises na zona de xogo.
Os/as xogadores/as que, por razón xustificada, desexen abandonar a sala de xogo no transcurso das súas partidas, deberán solicitar a autorización do Árbitro.
Aplicaranse as Normas técnicas de Xadrez do programa XOGADE (Xogos Galegos Deportivos en idade escolar). Todos os aspectos non recollidos neste regulamento regularanse pola normativa FIDE.

9. CLAUSURA
A entrega de trofeos e medallas a todos os participantes terá lugar ao finalizar a competición, na mesma sala de xogo.

10. EQUIPOS PARTICIPANTES
Categoría Localidade ENTIDADE ZONA

BENXAMÍN
CARBALLO CANOSA-RUS CORUÑA
RIVEIRA EDM RIVEIRA NOIA
RIANXO CLUB XADREZ RIANXO NOIA
SANTIAGO E. XADREZ COMPOSTELA-PELETEIRO SANTIAGO

ALEVÍN
SADA XADREZ DAS MARIÑAS CORUÑA
RIANXO CLUB XADREZ RIANXO NOIA
NOIA ESCOLA XADREZ BRETEMA NOIA
SANTIAGO USC SANTIAGO

ALEVÍN FEMININO
A CORUÑA XANELA CORUÑA
CEE COLEXIO MANUELA RIAL MOUZO NOIA
SANTIAGO CEIP LOPEZ FERREIRO SANTIAGO

INFANTIL
A CORUÑA ESCOLA TÉCNICA DE XADREZ CORUÑA
A CORUÑA ALEXANDRE BÓVEDA CORUÑA
RIANXO CLUB XADREZ RIANXO NOIA
SANTIAGO ALGALIA-PELETEIRO SANTIAGO

11. ENCONTROS E HORARIOS
1ª Rolda: 11:00
2ª Rolda: 12:30
3ª Rolda: 15:30
Clausura: 17:30 hs. aprox. (poderá adiantarse en función da duración das partidas).

PARA TODAS AS CATEGORÍAS MIXTAS
HORA ENCONTRO
11:00 Equipo nº 2 – Equipo nº 3
Equipo nº 1 – Equipo nº 4
12:30 Equipo nº 1 – Equipo nº 2
Equipo nº 3  - Equipo nº 4
15:30 Equipo nº 3 – Equipo nº 1
Equipo nº 2 – Equipo nº 4

12. CENTROS DE ASISTENCIA SANITARIA 
En caso de lesión ou accidente deportivo, deberán presentar no centro de asistencia o parte de accidentes de SegurCaixa ADESLAS debidamente cumprimentado, que poderán sacar na páxina Web de Xogade www.deporteescolargalego.com, e acudir ao seguinte centro médico:

Policlínico La Rosaleda
Santiago León de Caracas, 1
Santiago de Compostela
Teléfono: 981551200

05 maio 2017

Equipo para o provincial

A base do equipo (Nicolás, Noa, Dani e Vera) son os mesmos que o ano pasado lograron ser campións provinciais así que temos por diante a dificil tarefa de revalidar o título.
Joel e Jaime axudarán nesta misión.
A ver se comos capaces!